NOUN CHI HRANG HRANG-TE

*NOUN*

Noun chu thil hming eng pawh hi a ni mai. Mizo ṭawnga hming nia kan ngaih chiah loh pawh hi thil titu emaw thil tih tuartu emaw din hmuna a din theih chuan noun a ni ti ila, a sual lutuk awm lo e.

*Noun chi hrang hrangte :*

*Proper noun (Hming bîk)* : Mihring hming: Khawthinkhuma, Zakapvea adt.
Khaw hming : Aizawl, Zokhawthar adt.
Tlang hming :
Thân Tlâng, Lên Tlang adt.
Dil hming : Rih Dil adt.
Hnam hming : Mizo, Ralte adt.
Hmun hming : Lung Van Do, Ṭhuamluia Mual

Proper noun chu a hawrawp bul ṭanna hawrawppuiin ziah ṭhin tur a ni a. Hmun, tlâng, dil hming ang chi chu thumal pakhat aia tamah pawh a hawrawp inṭanna zêl kha hawrawppui hman mai tur a ni.

*Common noun (hming inṭawm tlan) :* Thil hrang hrangin hming atana an inṭawm theih ang chi. Etn. mihring, sakei, dil, tlâng, sa adt.  

*Collective noun (a huho sawina) :*  Pawlho te, a huhoa hma la ṭhin te, a ruala khawsa ṭhin te sawina a ni. MUP, Bawng rual, ZSU, Zokhawthar Higher Secondary School zirlaite adt.

*Concrete noun :* Mihringin hriatna chi nga kan neihte hmanga kan hriat theih hi concrete noun chu a ni.
Etn.
Dawhkan (mit hmangin)
Radio (beng hmangin)
Nghapih (hnar hmangin)
Adt.

*Countable noun :* Noun zinga a zât kan chhiar thlap theihte hi  countable a ni.
Etn. Mipa naupang, arte adt.

*4 Uncountable noun :* Noun kan hmuh theih ni si, a zât kan chhiar fak theih loh ang chi hi uncountable noun chu a ni. Ruah, buhfai adt. 

*Abstract noun :* Noun kan hmuh theih loh leh kan khawih theih loh ang chi hi a ni. Etn.
boruak, rilru, thinlung adt.

*Material noun :* Thil dang la siam chhuah theihna thil hming sawina a ni. Etn. rangkachak, tangkarua, puan thân adt.

*Verbal noun :* Verb ni si, noun atana kan cheibawl hi verbal noun chu a ni. Verbal noun chi hrang hrang a awm a, chungte chu :
1) *Verbal noun :* (verb a root word noun atana hman zui tâk). Ent.
Zai saw a thiam hle mai.

2) *Gerund :* Gerund chu verb ni si noun atana kan hman a ni a. Verb subjunctive mood form zel gerund chuan a hmang ṭhin.
Ent. *Mut* ka thlahlel.

3) *Instrument case (thil tihna hmanrua) :* Suffix *na* hmangin  instrument case (verbal noun) kan siam ṭhin.
Ent. He tiang hi ui ka *hlapna* a nih hi.

4) *Abstract noun :* Abstract noun (verbal noun) siam nan suffix *na* kan hmang ṭhin. Etn. Hmangaihna, duhna, lâwmna adt.

*5) Noun of place :* Suffix *na* hmangin noun of place (verbal noun) kan siam ṭhin. Etn.

Ka bike *dahna* hi a ṭha asin.

6) *Noun of time :* Suffix *na* hmangin noun of time (verbal noun) kan siam ṭhin. Etn.
Kan *inhmuhna* nikhua a rei ta.