.
*PIAN CHAMPHA PHÂK*
- P.C.Thangzikpuia
_*pian champha phâk*_
Khi khi grammatically chuan a ziah dân tur niin a lang.
1. *Champha*– Hei hi noun a ni a. Pian ni emaw, inneih ni emaw, thih ni emaw kha a kum lehah, khami ni chiah kha rawn inher chhuak leh ta sela, chumi sawina noun thumal chu a ni.
2. *Phâk*– Hei hi verb thumal a ni thung a, 'pha' modified form niin, 'thleng, tlin...' tih ang hawi sawina ṭawngkam hi a ni.
Tichuan, khita noun thumal *champha* tih khi eng champha nge tih kha nounal adjective atana kan hman, gerund-in an rawn sawi fiah ta ṭhin a. *Pìan champha, inneih champha, thih champha...* ti tein kan sawi ta ṭhin a ni.
Heta noun thumal leh amah sawi fiahtu gerund inkawp ta ṭhin hi gerund phrase (noun phrase) an ni ta a. He noun phrase, *pian champha* hi dam thlengin kan dam *phâk* ta ṭhin a. Tichuan, heta verb nen hian sawi kawpin, *pian champha phâk* avanga lawmna te kan siam ta ṭhin a ni.
_pian champha phâk_
_pian champha thlen_
Khi khi a awmzia chu a ni ta a. "Pian champha kan lawm," han tih mai te hi a dik em em a, "Pian champha phâk kan lawm," kan tih chuan, "Pian champha thlen kan lawm," kan tihna tluk a ni ṭhin a; amaherawhchu, hei pawh hi ṭawngkam pangngai a ni tho e.
Tichuan, *champha* tih hi a lam tawiin, *cham* kan ti ta ṭhin bawk a. Ran chungchang sawinaah phei chuan, "A cham a thleng," tiin kan sawi mai ṭhin a ni.
....
Piancham pha phak chu anih chuan a dik lo zawk tih na ava nih hmel ve. Piancham pha tih mai hi a dik zawk ang. Entirna, ka pa boral tawh pian cham pha phak chu amah ka pa berin a hmang thleng thei ta lova, a pian cham pha phak chu a ni thei tawh em ni. A pian cham ani mai lawm ni
ReplyDelete